Binəqədi rayonunda həyətyanı sahələrdən oğurluq edən şəxslər yaxalanıblar

Bakıda və Gəncədə həyətyanı sahələrdən oğurluq edən şəxslər saxlanılıblar. Binəqədi Rayon Polis İdarəsinin 6-cı polis bölməsi əməkdaşlarının oğurluq etdiyinə görə tutulmuş A.Həsənovla bağlı apardıqları əməliyyat tədbirləri ilə onun rayondakı beş həyətyanı sahədən su qızdırıcıları və su mühərriki oğurlaması da müəyyənləşdirilib.

Daxili İşlər Nazirliyinin Mətbuat xidmətindən xezerxeber.az-a bildiriblər ki, Gəncə şəhərinin Nizami Rayon Polis İdarəsinin əməkdaşlarının keçirdikləri əməliyyat-axtarış tədbirləri nəticəsində rayondakı dörd həyətyanı sahədən və altı avtomobildən pul, su mühərriki, maqnitofon, yaddaş kartı və akkumulyator oğurlamaqda şübhəli bilinən Gəncə şəhər sakini, əvvəllər məhkum olunmuş T.Atakişiyev yaxalanıb.

Faktlarla bağlı araşdırma aparılır.