Yevlax şəhərində 2 nəfərin xəsarət alması ilə nəticələnən yol-nəqliyyat hadisəsi baş verib.
"Report"un məlumatına görə, hadisə şəhərin Nizami prospektində qeydə alınıb.
"VAZ-2107" və "VAZ-21011" markalı avtomobillərin toqquşması nəticəsində 1993-cü il təvəllüdlü Elçin Məmmədov və 1994-cu il təvəllüdlü Natiq Zamanov xəsarət alıblar.
Hər iki şəxs xəstəxanaya yerləşdirilib. Onların vəziyyətinin qənaətbəxş olduğu bildirilir.
Faktla bağlı araşdırma aparılır.