Gəncə şəhərində orta məktəbdə ölüm hadisəsi olub.
Hadisə Gəncə şəhər 16 nömrəli orta məktəbdə qeydə alınıb. Məktəbin 1-ci sinif şagirdi, 2013-cü il təvəllüdlü Xəticə Rəhim qızı Hətəmli sinif otağında anidən huşunu itirib və yerə yıxılıb. Onun ölüm səbəbi məlum deyil.
Hadisə yerinə hüquq-mühafizə orqanlarının əməkdaşları və Təcili Tibbi yardım Stansiyasının həkimləri cəlb olunub.
İlkin ehtimallara görə, 6 yaşlı qız xəstəlikdən ölüb.
Onun meyiti müayinə olunması üçün Səhiyyə Nazirliyinin Tibbi Ekspertiza və Pataloji Anatomiya Birliyinin Gəncə şəhər Şöbəsinə yerləşdirilib.
Faktla bağlı araşdırma aparılır. (report)