Quba və Qusar meşələrində ağacların "qətliam"ı 12 nəfərlik dəstə ələ keçdi

Daxili İşlər Nazirliyi (DİN) Baş Mütəşəkkil Cinayətkarlıqla Mübarizə İdarəsinin əməkdaşları tərəfindən Ekologiya və Təbii Sərvətlər Nazirliyinin mütəxəssisləri ilə birgə respublikanın meşə fondunun qorunması istiqamətində uğurlu əməliyyat tədbirləri həyata keçirilib.

DİN-dən XəzərXəbər-ə verilən məlumata görə, Quba və Qusar rayonları ərazilərində meşə massivlərində ağacların kütləvi olaraq qırılması halları barədə Baş İdarəyə əməliyyat məlumatı daxil olub. Qeyd edilən ərazilərə polis əməkdaşları tərəfindən baxış keçirilən zaman ağacların kütləvi kəsilməsi faktı ilə bağlı daxil olan məlumat təsdiqini tapıb. Qanunsuz olaraq kəsilən ağacların kötükləri polis əməkdaşları və ekspertlərin iştirakı ilə müayinədən keçirilib.

Baş İdarənin əməkdaşları tərəfindən həyata keçirilən təxirəsalınmaz əməliyyat tədbirləri nəticəsində qeyd edilən rayonların meşə massivlərində ağacların kütləvi olaraq qırılması ilə məşğul olan mütəşəkkil cinayətkar dəstənin üzvlərinin şəxsiyyəti qısa zamanda müəyyənləşdirilib. Həmin dəstəyə daxil olan 12 nəfər qısa zamanda saxlanılaraq Baş İdarəyə gətirilib.

Mütəşəkkil dəstənin Quba və Qusar rayonlarında fəaliyyət göstərən ağac emalı sexlərinə baxış zamanı qanunsuz kəsilmiş fıstıq, vələs, qoz, palıd və sair ağaclarının oduncaqları aşkar olunub. Təyin edilmiş ekspertiza nəticəsində müəyyən olunub ki, məhv edilən yaşıllıqlar qiymətli ağac növlərinə aiddir və kəsilməsi qanunla qəti qadağan olunur.

Saxlanılan şəxslər barəsində Baş İdarədə Azərbaycan Respublikası Cinayət Məcəlləsinin 259-cu (Qanunsuz ağac kəsmə) maddəsi ilə cinayət işi başlanılaraq istintaqı aparılır.

Qeyd edək ki, Quba və Qusar rayonları ilə yanaşı respublikanın digər meşə sahələrinin qanunsuz qırılmasına qarşı Daxili İşlər, həmçinin Ekologiya və Təbii Sərvətlər Nazirliyi tərəfindən birgə tədbirlər davam etdirilir. Qanunsuz olaraq meşə sahələrində ağac kəsimi ilə məşğul olan şəxslərə xəbərdarlıq edilərək bildirilir ki, bu əməllərə yol verən şəxslər qısa zamanda müəyyənləşdirilərək cinayət məsuliyyətinə cəlb olunacaqlar.

Rubrikanın digər xəbərləri

Masallıda 5 kq narkotikin satışına görə 2 nəfər TUTULDU

10:38 • 23 Aprel 2024

Ağdaşda internet xətlərini oğurlayanlar və narkotacirlər SAXLANILDI

08:44 • 22 Aprel 2024

Xaçmaz bazarında YANĞIN

19:48 • 21 Aprel 2024

Kürdə atası ilə batan uşağın meyiti TAPILDI

10:06 • 21 Aprel 2024

Bakıda oteldə yanğın baş verib

19:50 • 20 Aprel 2024

Taxta bazarında yanğın söndürülüb YENİLƏNİB-2/FOTO

19:35 • 20 Aprel 2024

Taxta bazarında 800-1000 kvadratmetr ərazi yanıb AÇIQLAMA

19:04 • 20 Aprel 2024

Ceyranbatan su kanalında bir nəfər batıb

17:38 • 20 Aprel 2024

Rusiyada azərbaycanlı iş adamı öldürülüb FOTO

14:28 • 20 Aprel 2024

Bakıda oğlan sevgilisini qətlə yetirib YENİLƏNİB

11:36 • 20 Aprel 2024