Bakıda dəhşətli hadisədə ölən daha 2 nəfərin meyiti tapıldı

Bakıda dənizdə boğulan 4 dostdan digər ikisinin də meyiti tapılıb.

XəzərXəbər Fövqəladə Hallar Nazirliyinin mətbuat xidmətinə istinadən xəbər verir ki, 28.07.2019-cu il tarixində Bakı şəhərinin Sabunçu rayonunda, dənizdə, qeyri-çimərlik (nəzarətsiz) ərazidə batan 1991-ci il təvəllüdlü Əzizov Murad Teymur oğlunun və 1991-ci il təvəllüdlü Hacıquliyev Kamran Ağəli oğlunun axtarışları başa çatıb. M.Əzizovun və K.Hacıquliyevin meyitləri Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən tapılaraq sudan çıxarılıb və aidiyyəti üzrə təhvil verilib.

Qeyd edək ki, hadisə baş verən gün B.Babayev və Ə.Cavadovun meyiti tapılaraq təhvil verilib. Onlar dünən dəfn ediliblər.