Zaqatala rayonunda yaşayış evini ildırım vurub.
XəzərXəbər xəbər verir ki, Aşağı Tala kənd sakini Ramazan Şabanova məxsus ikimərtəbəli fərdi yaşayış evi ildırım vurması nəticəsində yanıb.
Hadisə yerinə FHN-in Zaqatala rayon DYMH-nin yanğınsöndürən maşınları və şəxsi heyəti cəlb olunub. Ümumi sahəsi 156 m² olan ikimərtəbəli evin ikinci mərtəbəsində mətbəxin və hamam otağının yanar konstruksiyaları 12 m² sahədə və 1 ədəd məişət texnikası yanıb. Evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
Hadisəsi zamanı ailə üzvləri evdə olub. Xəsarət alan olmayıb.
Qeyd edək ki, hazırda şimal-qərb bölgəsində güclü küləklə müşahidə olunan yağış yağır.