Oğuz rayonunda yol qəzası nəticəsində 1 nəfər ölüb.
"Report"un məlumatına görə, hadisə gecə saatlarında rayonun Dəymədərə kəndi ərazisində baş verib.
Samir adlı yerli sakin idarə etdiyi "VAZ-2106" markalı avtomobillə hərəkətdə olarkən, idarəetməni itirib və maşın yol kənarındakı ağaca çırpılıb. Qəza nəticəsində sürücü hadisə yerində ölüb.
Faktla bağlı araşdırma aparılır.