Sabirabadda "Mercedes”lə "KamAZ” toqquşması nəticəsində xəsarət alan şəxslərdən daha biri ölüb.
Hadisədə xəsarət alan sürücü, 1967-ci il təvəllüdlü Əsədov Şamil Cavad oğlu Sabirabad Mərkəzi rayon Xəstəxanasının reanimasiya şöbəsində keçinib.
Qeyd edək ki, hadisə nəticəsində ölən və xəsarət alanlar bir ailənin üzvləridir.
Hadisə nəticəsində Beyləqan rayon sakini, 1995-ci il təvəllüdlü Cavadzadə Fidan Şamil qızı ölüb, onun bacısı, 1992-ci il təvəllüdlü Sahilə Cavadzadə, 1967-ci il təvəllüdlü Əsədov Şamil Cavad oğlu və 1967-ci il təvəllüdlü Xanzanova Həqiqət Paşa qızı ağır xəsarətlər almışdı. (APA)