ABŞ-ın Arkanzas ştatının eyniadlı dairəsində təcili tibbi yardım helikopterinin qəzaya uğraması nəticəsində üç nəfər həlak olub.
Xezerxeber.az məlumat verir ki, KARK-TV telekanalınnın məlumatına görə, dispetçerlər hadisə barədə məlumatı noyabrın 19-da yerli vaxtla saat 20:00-da alıblar. Qəzanın şahidi olan yerli sakinlərdən biri helikopterin su anbarının yanında, avtomobil yolunun yaxınlığında yerə çırpıldığını deyib. Hadisə yerinə gələn xilasedicilər yanan helikopterdə üç nəfərin cəsədini aşkarlayıblar. Onların arasında pasientin olmadığı bildirilir.
Yerli hökumət orqanları helikopterin Payn-Blaff şəhərindən Helena şəhəri rayonuna uçduğunu güman edirlər. Hadisənin başvermə səbəbləri araşdırılır.