Paytaxtda avtomobil qaçırmaqda şübhəli bilinən şəxs saxlanılıb

19.11.2019 16:07

Qaradağ Rayon Polis İdarəsinin 10-cu polis bölməsinə müraciət edən Lökbatan qəsəbə sakini A.Zülfüqarov qəsəbə ərazisindən "VAZ-2107” markalı avtomobilinin qaçırıldığını bildirib.

Daxili İşlər Nazirliyinin Mətbuat xidmətindən xezerxeber.az-a bildiriblər ki, nəqliyyat vasitəsini qaçırmaqda şübhəli bilinən E.Novruzzadə Qaradağ Rayon Polis İdarəsinin 10-cu polis bölməsi və Əlahiddə Çevik Polis Alayı əməkdaşlarının birgə keçirdikləri əməliyyat-axtarış tədbirləri nəticəsində qəsəbə ərazisində avtomobillə birgə saxlanılıb.

Hadisə ilə bağlı araşdırma aparılır.

© xezerxeber.az


126 dəfə oxunub

XƏBƏRLƏR

ÇOX OXUNANLAR