Neftçaladakı ağır qəzada ölənlərin sayı 4-ə çatdı - 2 AİLƏ MATƏM İÇİNDƏ

08.09.2019 12:02

Neftçala rayonunda baş verən ağır yol-nəqliyyat hadisəsi nəticəsində ölənlərin sayı artıb.

Publikaaz xəbər verir ki, Neftçala-Xolqarabucaq yolunda "Mercedes” və "Lexsus” markalı minik maşınlarının qarşı-qarşıya toqquşması nəticəsində ağır xəsarət alan "Mercedes”in sürücüsü, 35 yaşlı Habil Əbülfət oğlu Həşimov xəstəxanada dünyasını dəyişib.

Qeyd edək ki, hadisə nəticəsində "Lexsus”un sürücüsü Xanlar Ayaz oğlu Xankişiyev və onun 1962-ci ildə anadan olmuş həyat yoldaşı Mərviyyə Qurban qızı Xankişiyeva, "Mercedes”in sürücüsü, Neftçala rayonunun Xolqarabucaq kənd sakini Habil Əbülfət oğlu Həşimovun bacısı qızı, 2017-ci ildə anadan olmuş Humay Elçin qızı Ələkbərova hadisə yerində dünyalarını dəyişib.

Qəzada xəsarət alan daha 2 nəfər isə Neftçala Rayon Mərkəzi Rayon Xəstəxanasına çatdırılıb.

xxxx

7 sentyabr

Neftçala rayonunda yol qəzası baş verib.

Hadisə bu gün günorta saatlarında Neftçala-Xolqaraqaşlı avtomobil yolunda qeydə alınıb.

Belə ki, "Mersedes” və "Lexus” markalı avtomobillər toqquşub. Nəticədə 3 nəfər ölüb, 3 nəfər isə müxtəlif dərəcəli bədən xəsarətləri alıb. Yaralılar Neftçala Rayon Mərkəzi Xəstəxanasına yerləşdirilib. Ölənlərin və yaralananların şəxsiyyəti dəqiqləşdirilir.

Faktla bağlı araşdırma aparılır. (report)

© xezerxeber.az


301 dəfə oxunub

XƏBƏRLƏR

ÇOX OXUNANLAR