"Səhiyyə işçilərinin güclü fəaliyyətinə baxmayaraq ölkə daxilində virusa yoluxma faktları var".
Bunu Nazirlər Kabinetinin mətbuat xidmətinin rəhbəri İbrahim Məmmədov ölkədə tətbiq olunacaq xüsusi rejimlə bağlı keçirilən brifinqdə çıxışı zamanı deyib.
O bildirib ki, dünyadakı vəziyyət nəzərə alınaraq xüsusi karantin rejimi tətbiqi qərarı qəbul edildi.
İ.Məmmədov əlavə edib ki, xüsusi yaş qruplarında olan şəxslər üçün tədbirlər planı hazırlanır: "Qısa müddətdə planda əksini tapan məsələlər açıqlanacaq".
Martın 24-dən etibarən Sədərək və Binə ticarət mərkəzləri də fəaliyyətini dayandıracaq.