Azərbaycanın Gürcüstandakı səfirliyi daha 49 vətəndaşımızın təxliyəsini təmin edib

Azərbaycanın Gürcüstandakı səfirliyi Avropadan Türkiyə və Gürcüstan ərazilərindən keçməklə ölkəmizə qayıtmaq istəyən daha 49 vətəndaşımıza lazımi kömək göstərib.

Martın 19-da Avropa ölkələrindən gələn daha 49 Azərbaycan vətəndaşı səfirliyin təşkilatçılığı ilə Türkiyə ilə Gürcüstan arasındakı "Sarp” sərhəd-keçid məntəqəsindən xüsusi avtobuslarla, yerli polisin müşayiəti ilə "Qırmızı körpü” sərhəd-keçid məntəqəsinə gətirilib.

Bildirilib ki, həmin şəxslər xüsusi müayinədən keçiriləcək və zərurət yaranarsa, 14-28 günlük karantin rejimində saxlanılacaqlar.

Qeyd edək ki, martın 13-dən martın 19-dək 219 vətəndaşımız səfirliyin dəstəyi ilə Azərbaycana qayıdıb.

Məlumat üçün bildirək ki, səfirlikdə "qaynar xətt” yaradılıb. Telefon nömrəsi: +995- 577-06-50-50.