Xəzər Xəbər

Azərbaycanda dərin islahatlar proqramı hazırlanır XİN başçısı

Gündəm | 14:17 • 25 Sentyabr 2019
Azərbaycanda dərin islahatlar proqramı hazırlanır

"Azərbaycan iqtisadiyyatının inkişafı üçün strateji yol xəritələri iqtisadi islahatları daha da dərinləşdirəcək".

Bunu Azərbaycanın Xarici İşlər naziri Elmar Məmmədyarov Nyu-York şəhərində keçirilən "2019 Xəzər Biznes Forumu”nda deyib.

"İqtisadiyyatın şaxələndirilməsi və qeyri-neft sektorunun inkişafı hökumətimizin əsas uzunmüddətli hədəflərindəndir. Milli iqtisadiyyatın inkişafı üçün strateji yol xəritələri iqtisadi islahatları daha da dərinləşdirəcək.

Həmin islahatlar üzərində işlərin qurulması və iqtisadiyyatın rəqabət qabiliyyətini və dayanıqlılığını artırmaq üçün növbəti mərhələ kimi 2021-2025-ci illəri əhatə edən daha dərin iqtisadi islahat proqramının hazırlanmasına başlanılıb.

Ümumilikdə, əlverişli iş mühiti və məqsədyönlü islahatlar biznes və investorlar üçün əlavə imkanlar təmin edəcək", - Məmmədyarov deyib./report/

Xəbər lenti