Bibiheybət yolu bu tarixdə açılacaq - RƏSMİ

03.06.2020 10:03

Keçən il sürüşmə nəticəsində yararsız vəziyyətə düşən Bibiheybət yolunda hərəkətin bərpasına başlanılıb.

XəzərXəbər xəbər verir ki, bu barədə Azərbaycan Avtomobil Yolları Dövlət Agentliyinin mətbuat katibi Anar Nəcəfli məlumat verib.

O bildirib ki, yolun hər iki istinad divarında artıq tikinti işləri yekunlaşıb:

"Bu gündən yolun hərəkət hissəsinin bərpasına başlanılıb. Yaxın günlərdə asfaltlanma işləri görüləcək. Planlaşdırmışıq ki, növbəti həftədə Bibiheybət yolunu istifadəyə verək. Orada yamacın aşağısında və yuxarısında istinad divarları inşa olunurdu. Hər iki istinad divarında artıq tikinti işləri tamamlanıb".

Qeyd edək ki, Bibiheybət yolu ötən ilin noyabrında Bakının Səbail rayonu, Bibiheybət qəsəbəsi ərazisindəki avtomobil yolunda çökmə olub. Hadisə nəticəsində yol yararsız vəziyyətə düşüb. / Trend.az

© xezerxeber.az


125 dəfə oxunub

XƏBƏRLƏR

ÇOX OXUNANLAR