İtaliya Prezidenti: Azərbaycan hər zaman İtaliyanın dostluğuna və dəstəyinə əmin ola bilər

21.02.2020 14:56

Azərbaycan enerji sahəsində hər zaman hamı ilə əməkdaşlıq etməyə açıq bir ölkədir. Azərbaycan beynəlxalq məsələlərdə bütün ölkələrlə dialoqa hazırdır. 

Xezerxeber.az xəbər verir ki, bu fikirləri İtaliya Prezidenti Sercio Mattarella mətbuata bəyanatında bildirib.

Dövlət başçısı qeyd edib ki, 2020-ci ilin İtaliyada Azərbaycan Mədəniyyəti İli elan olunması əlaqələrimizi, dostluğumuzu, əməkdaşlığımızı artırmağa kömək edəcək və iki ölkə arasında münasibətləri daha da intensivləşdirəcək.

Prezident Sercio Mattarella vurğulayıb ki, İtaliya Azərbaycanla Avropa İttifaqı arasında da əlaqələrə hər zaman dəstək olmağa hazırdır. "Biz Avropa İttifaqı və Azərbaycan arasındakı əlaqələrə stimul olmaq üçün bu sahədə də çox geniş formada əməkdaşlıq etməyə hazırıq. İtaliya Azərbaycanı, həmçinin Avro-Atlantik Tərəfdaşlıq üzrə də ən əsas tərəfdaş kimi görür. Əfqanıstanda terrorizmə qarşı mübarizədə və gördüyünüz kimi, hər bir sahədə bizim ölkələrimiz arasında əməkdaşlıq çox yüksək səviyyədədir. Azərbaycan hər zaman bu əməkdaşlıqda İtaliyanın dostluğuna və dəstəyinə əmin ola bilər”, - deyə dövlət başçısı əlavə edib.

© xezerxeber.az


142 dəfə oxunub

XƏBƏRLƏR

ÇOX OXUNANLAR