Bakı
23 C
USD
EUR
1.7000
1.9090
RUB
GBP
0.0260
2.2114
XƏBƏR
ARXİVİ

Mərkəzi Seçki Komissiyasının növbəti iclası keçirilib

07.11.2019 18:45

Məzahir Pənahovun sədrliyi ilə noyabrın 7-də Mərkəzi Seçki Komissiyasının (MSK) növbəti iclası keçirilib.

Mərkəzi Seçki Komissiyasından bildiriblər ki, əvvəlcə Komissiyanın 2019-cu il 5 noyabr tarixli iclas protokolunun təsdiq olunmasına qərar verilib.

Sonra 2019-cu il dekabrın 23-nə təyin edilmiş bələdiyyə seçkilərində seçki komissiyalarının səsvermənin nəticələrinə dair yekun protokollarının hazırlanma qaydası və sayı təsdiq edilib.

İclasda bələdiyyə seçkiləri ilə əlaqədar seçki bülletenlərinin mətni, forması, sayı və hazırlanma qaydası ilə bağlı məsələyə də baxılıb və Komissiya üzvlərinin müzakirəsindən sonra 5 020 287 (beş milyon iyirmi min iki yüz səksən yeddi) seçki bülleteninin mətbəə üsulu ilə hazırlanması qərara alınıb.

MSK-nın iclasında, həmçinin bələdiyyə seçkilərində Vəhdət Partiyasının səlahiyyətli nümayəndələrinin qeydə alınması məsələsinə baxılıb və sözügedən partiya tərəfindən təqdim olunmuş şəxslər səlahiyyətli nümayəndələr kimi qeydə alınıb.

Kütləvi informasiya vasitələrinin nümayəndələrinin iştirak etdiyi iclasda cari məsələlərə də baxılıb.

© xezerxeber.az


73 dəfə oxunub

XƏBƏRLƏR

ÇOX OXUNANLAR