"Xəbər verildiyi kimi, cənab Prezidentin tapşırığı ilə Türkiyənin zəlzələ baş vermiş Malatya, Elaziğ bölgələrindən 100-ə yaxın tələbəmiz təxliyə olunaraq Naxçıvana çatdırılıblar və yaxın saatlarda onlar xüsusi aviareyslə Bakıya gələcəklər".
XəzərXəbər xəbər verir ki, bu barədə Təhsil Nazirliyinin mətbuat xidmətinin rəhbəri Cəsarət Valehov məlumat verib.
O bildirib ki, Təhsil Nazirliyinin rəsmiləri, psixoloqlar, tələbə-könüllülər, çoxsaylı media nümayəndələri Bakı Hava Limanındadırlar: "Təhsil Nazirliyinin ayırdığı avtobuslar tələbələri hava limanından mənzil başına çatdıracaqlar".