Dondurmada koronavirus aşkar edilib - şirkətin 1662 əməkdaşı karantinə götürülüb

Çinin Tianjin şəhərində dondurmalardan götürülmüş üç nümunədə yeni növ koronavirus (COVID-19) aşkar edilib.

Xezerxeber.az xəbər verir ki, "Tianjin Daqiaodao Food Co." tərəfindən istehsal olunan dondurmalardan götürülmüş nümunələr xəstəliklərə nəzarət mərkəzinə göndərilib. 

Müayinələr nəticəsində dondurma nümunələrində COVID-19 aşkar edilib. Dərhal dondurmaların istehsalı dayandırılıb və şirkətin 1662 əməkdaşı karantinə götürülüb. Dondurmalardan 812-nin digər şəhərlərə paylandığı bildirilib. Səlahiyyətli şəxslər virusun necə keçdiyini müəyyənləşdirmək üçün işləyirlər. 

Bu arada, Türkiyə Səhiyyə Nazirliyi koronavirus elmi komitəsinin üzvü Ateş Kara məsələyə münasibət bildirib. O deyib ki, Çində dondurmaya koronavirus, böyük ehtimalla test nəticəsi pozitiv çıxan əməkdaşdan keçə bilər: "Soyuqda olduğu üçün virus daha uzun müddət qala bilər. Dünyada bu günə qədər qida ilə heç bir yoluxma qeydə alınmayıb. Çində bir anda istehsal olunan 4.836 qutu dondurmanın 3-də virusun pozitiv olduğu aşkarlanıb. Əvvala, bu, xəstəlik yarada biləcək bir virusdurmu, yoxsa virusun hissəsidirmi? Bunu qiymətləndirmək mümkün deyil. Ancaq bu vaxta qədər virusun qida ilə ötürülməsi halı aşkarlanmayıb". 

Atif