ABŞ-ın İraqdakı səfirliyinin yerləşdiyi əraziyə bomba atılıb

İraqın paytaxtı Bağdaddakı "Yaşıl vadi” adlanan ərazidə yerləşən ABŞ səfirliyinin yaxınlığına bomba atılıb.

AZƏRTAC İraq mətbuatına istinadla xəbər verir ki, səfirliyin yaxınlığına iki bomba atılıb. Partlayışın təsirindən bəzi binalara yüngül zərər dəyib.

Hadisə yerinə gələn xüsusi xidmət orqanları araşdırma aparırlar. Hadisənin terror aktı olması istisna edilmir. Ölən və yaralananlar barədə hələlik məlumat yoxdur.

Cari ildə ABŞ-ın İraqdakı səfirliyi bir neçə dəfə terror hücumuna məruz qalıb. Bu hücumlar nəticəsində səfirliyin binasına ciddi ziyan dəyib.