Koronavirusun yayılması nəzarətdən çıxdı

Batumidə COVİD-19 infeksiyasına yoluxma mənbələrini müəyyənləşdirmək artıq mümkün deyil.

XəzərXəbər xəbər verir ki, bu barədə Gürcüstanın Acarıstan Muxtar Respublikasının səhiyyə naziri Nino Nijaradze yerli KİV-ə müsahibəsində bildirib.

Onun sözlərinə görə? artıq virus şəhərin müxtəlif bölgələrinə səpələnib və bölgədə gərgin epidemioloji vəziyyət yaranıb.

Qeyd edək ki, bu gün Gürcüstanda qeydə alınan 165 yoluxma halının 108-nin Acarıstan MR ərazisində, əsasən də Batumi şəhərində qeydə alındığı bildirilib./APA