ABŞ hökuməti prezident seçkilərinə müdaxilə edənlər və kiberhücumlarla bağlı məlumat verənə 10 milyon dollar mükafat verəcək.
Bu barədə ABŞ-ın Xarici İşlər naziri Mayk Pompeo mətbuat konfransında deyib.
O bildirib ki, xarici dövlətlərin nəzarəti altında olan və seçkilərə cinayətkar kiberhücumlar vasitəsilə müdaxilə edən şəxsləri aşkara çıxarmağa kömək edənə 10 milyon dollara qədər mükafat veriləcək.
Qeyd edək ki, ABŞ-da prezident seçkiləri noyabrın 3-də keçiriləcək. Prezident Donald Tramp koronavirus pandemiyası səbəbindən səsverməni təxirə salmaq istəsə də, səlahiyyətləri onun belə bir qərarı qəbul etməsinə imkan verməyib.