Keniyada son aylarda 200-dən çox dəvənin ölümünə səbəb olan müəmmalı xəstəlik bəlli olub.
Xarici mətbuat xəbər verir ki, ölmüş heyvanlardan götürülən test nümunələrinin cavabına görə dəvələr Yaxın Şərq Tənəffüs Yolu Sindromu Koronavirusu (MERS-CoV) səbəbindən tələf olublar.
Marsabit Səhiyyə Xidmətinin rəhbəri Adano Koçi dəvələrə baxan 3 nəfərdə də bu virusun aşkarlandığını deyib. Vəziyyətlərinin yaxşı olduğunu bildirib.
Qeyd edək ki, ilk dəfə Səudiyyə Ərəbistanında rast gəlinən MERS xəstəliyinin insanlara heyvanlardan keçdiyi məlumdur./Qaynarinfo