Xəzər Xəbər

Nepalda torpaq sürüşməsi: 24 nəfər ölüb, 23 nəfər itkin düşüb

Dünya | 12:26 • 11 İyul 2020
Nepalda torpaq sürüşməsi:

Nepalın mərkəzi hissəsində yerləşən Qandaki əyalətində leysan yağışları səbəbindən baş verən bir neçə torpaq sürüşməsi nəticəsində azı 24 nəfər həlak olub, 23 nəfər itkin düşüb.


Aramsız yağışlar əyalətin dörd rayonunda torpaq sürüşmələrinə səbəb olub. Təbii fəlakətdən ən çox Myaqdi rayonu zərər çəkib. Burada 40-dan çox ev torpaq altında qalıb, 400-dən çox insan isə evlərini tərk edərək yerli administrasiya və məktəb binalarına sığınmağa məcbur olub.


Hazırda torpaq sürüşmələrinin baş verdiyi rayonlarda axtarış-xilasetmə əməliyyatları davam edir.

Xəbər lenti