Moskvada ahıllar üçün pansionatda yanğın nəticəsində 4 nəfər ölüb, 16 nəfər xəsarət alıb.
Hadisə gecə saatlarında baş verib. Moskvada yerləşən ahıllar üçün pansionatın birinci mərtəbəsində yanğın nəticəsində binaya tüstü yayılıb. Yanğın zamanı pansionatda 53 nəfər, o cümlədən 48 sakin və 5 əməkdaş olub. Hadisənin dizel yanacağı ilə işləyən qazanxanada nasazlıq üzündən baş verdiyi ehtimal edilir.