Ukraynada koronavirusa yoluxanların sayı 1251-ə, ölənlərin sayı isə 32-yə çatıb

Ukraynada koronavirusa yoluxanların sayı 1251 nəfərə çatıb ki, onlardan 80-dən çoxu uşaqdır. Ən çox yoluxma halı Kiyevdə qeydə alınıb: 225 nəfər.

Bu ölkənin Səhiyyə Nazirliyinin xəbərinə görə, Ukraynada koronavirusa yoluxanların 60 faizi 30-59, 20,7 faizi isə 60-100 yaşlı insanlardır. Ölkənin 15 vilayətində koronavirusla bağlı fövqəladə vəziyyət elan edilib. Son sutkada 156 nəfər koronavirusa yoluxub. Bu virusdan ölənlərin sayı isə 32 nəfərə çatıb. Koronavirusdan ölənlərin 85 faizində ürək-damar xəstəlikləri, şəkərli diabet, böyrək çatışmazlığı olub. 23 nəfər tam müalicə olunaraq evlərinə qayıdıb.

Qeyd edək ki, ölkədə aprelin 24-dək bütün beynəlxalq uçuşlar dayandırılıb, karantin elan edilib.