Çindən koronavirusa qarşı mübarizədə Rusiyaya dəstək - 25,5 milyon...

Rusiya Hərbi-Kosmik Qüvvələrinin təyyarələri Çindən öz ölkələrinə 25,5 milyon ədəd qoruyucu maska çatdırıblar.

Bu barədə Rusiya Müdafiə Nazirliyi məlumat yayıb.

"Rusiya Hərbi-Kosmik Qüvvələrinin AN-124 təyyarəsi Çin Xalq Respublikasından Çkalov aerodromuna 25,5 milyon ədəd fərdi qoruyucu maska çatdırıblar”, – deyə məlumatda qeyd olunur.

Bundan əvvəl Rusiya Prezidenti Vladimir Putin və Çin lideri Si Cinpin arasında telefon danışığı baş tutmuş, liderlər yeni növ koronavirus infeksiyasının yayılması ilə bağlı vəziyyəti müzakirə etmişdilər./Teleqraf