ABŞ rusiyalı haker üçün 5 milyon mükafat elan etdi

ABŞ Rusiya vətəndaşı Maksim Yakubçu haqqında informasiya verən şəxsə 5 milyon dollar mükafat vədi verib.

Bu barədə məlumatı ABŞ Maliyyə Nazirliyi yayıb. Nazirlik bu şəxsin "Evil Corp.” haker qruplaşmasına rəhbərlik etdiyini güman edir.

Qeyd edək ki, Yakubçuya qarşı kiberfırıldaqçılıq ittihamı noyabrın 12-də Pitsburqda irəli sürülüb. Onun hazırda Moskvada yaşadığı ehtimal edilir. Bu şəxsin rəhbərlik etdiyi qruplaşmanın öz fəaliyyətləri ilə 70 milyon dollar zərər vurduğu bildirilib./axar.az