Britaniya iqtisadiyyatı Brexit səbəbindən 60 milyard funt-sterlinq itirib

Britaniya iqtisadiyyatı hökumətin Avropa İttifaqının tərkibindən çıxmağa can atması səbəbindən 2,5-3 faiz geriləyib və 60 milyard funt-sterlinq (73,8 milyard dollar) vəsait itirib.

Xezerxeber.az xəbər verir ki, bu rəqəmlər Maliyyə Tədqiqatları İnstitutunun (IFC) məruzəsində yer alıb.

Tədqiqatın proqnozlarına əsasən, Britaniya hökumətinin Brexit prosesini Brüssellə əməkdaşlıq barədə sazişsiz həyata keçirmə planları milli borcun 50 illik maksimuma yüksəlməsinə və iki dəfə artaraq 100 milyard funt-sterlinqə (123 milyard dollar) çatmasına gətirib çıxara bilər.

Məruzə müəlliflərindən biri, iqtisadçı Kristian Şuls Brexit prosesi ilə bağlı Britaniya biznesinə investisiyaların 20 faiz azaldığını vurğulayıb. Onun sözlərinə görə, Böyük Britaniyanın Avropa İttifaqının tərkibində qalması iqtisadi artım üçün ən yaxşı ssenari ola bilərdi.

Xatırladaq ki, 2016-cı ilin iyununda keçirilən Brexit üzrə referendumun gedişində Böyük Britaniya vətəndaşlarının 51,9 faizi ölkənin Avropa ittifaqının tərkibindən çixmasına səs vermişdi. Birləşmiş Krallıq Brexit qərarı ilə bağlı rəsmi bildiriş göndəriləndən iki il sonra – 2019-cu il martın 29-da Avropa İttifaqını tərk etməli idi. Lakin Britaniya parlamentinin İcmalar palatasının deputatları Brüssellə Boris Consonun sələfi Tereza Mey arasında əldə olunan Brexit şərtləri barədə saziş layihəsini üç dəfə rədd ediblər. Nəticədə Avropa İttifaqı Brexit prosesini əvvəlcə aprel və ya may aylarına, sonra isə oktyabrın 31-nə təxirə salmağa razılıq verib, Tereza Mey vəziyyəti dalandan çıxara bilməyərək istefa vermək məcburiyyətində qalıb. Onun yerini isə Brexit prosesinin yenidən təxirə salınmasına yol verməyəcəyini və Brüsselin Londonun tələbi ilə razılaşmayacağı təqdirdə ölkəsinin Avropa İttifaqını sazişsiz tərk edəcəyini vəd edən Boris Conson tutub.

Rubrikanın digər xəbərləri

ABŞ Ukraynaya hərbi yardım paketini Konqresin təsdiqindən dərhal sonra çatdıra bilər

16:26

Hakan Fidan: Dünyanın ən böyük problemi beynəlxalq sistemin ikiüzlülüyüdür

15:36

Ermənistanda sakinlər suvarma suyunun qiymətinin bahalığına görə yolu bağlayıblar

13:52

ABŞ qoşunlarını Nigerdən çıxarmağa razıdır

13:25

İran İsraillə gərginliyə getməyəcəyini bəyan edib

11:55

ABŞ xaricdə izləmə proqramının fəaliyyətini daha iki il uzadır

11:26

ABŞ Belarusun və Çinin üç firmasına sanksiya tətbiq edib

10:02

Koronavirus infeksiyasının müalicəsi üçün yeni molekul yaradılıb

09:50

NATO-nun müdafiə nazirləri Ukraynaya daha çox hərbi dəstək verməyə razılaşıblar

09:37

ABŞ İsrailə 1 milyard dollarlıq mərmi tədarükü imkanını araşdırır

09:25