Türkiyədə üç min qurbağa müsadirə edildi - Hotellərə satılacaqdı

Türkiyənin Adıyaman vilayətinin Gerger rayonunun Jandarmeriya komandanlığı üç min diri qurbağını müsadirə edib.

Türkiyənin NTV telekanalı xəbər verir ki, Jandarmeriya avtomobil yolunda şübhəli avtomobil saxlayıb. Avtomobilin salonuna baxıldıqdan sonra torbalarda üç min qurbağa aşkarlanıb.

Müəyyən edilib ki, qurbağalar hotellərə satmaq üçün nəzərdə tutulub. Qurbağalar müsadirə edilərək Gerger rayonunun Kənd təsərrüfatı idarəsinə təhvil verilib. Onları sonradan təbiətə buraxacaqlar.

Faktla bağlı dörd nəfər saxlanılıb, 600 türk lirəsi həcmində cərimələniblər.