Türkiyə XİN: Ərbildəki hücumda bir türkiyəli diplomat şəhid olub

Türkiyənin İraqın Ərbil şəhərindəki Baş Konsulluğunun əməkdaşlarının terrorçuların hücumuna məruz qalması nəticəsində bir diplomat şəhid olub.

Türkiyənin Xarici İşlər Nazirliyindən AZƏRTAC-a bildiriblər ki, terror aktı Baş Konsulluğun binasından kənarda baş verib. Bildirilir ki, hadisə ilə bağlı İraq tərəfi ilə danışıqlar aparılır.

Yerli KİV-lərin məlumatına görə, silahlı hücumda iki terrorçu iştirak edib. İraq tərəfi cinayətkarların tutulması üçün tədbirlər görüldüyünü bildirir.