Hərçənd 2017-ci ildə bu göstərici 63,2 milyard dollar olub.
ABŞ-ın dövlət büdcəsinin kəsiri 2018-ci ilin oktyabr ayında 2017-ci ilin eyni ayına nisbətən 60% artıb.
Bu barədə ABŞ-ın Maliyyə Nazirliyinin məlumatında göstərilir.
Ötən ay mənfi saldo 100,5 milyard dollara çatıb. Hərçənd 2017-ci ildə bu göstərici 63,2 milyard dollar olub.
Büdcə gəlirləri 252,7 milyard dollaraa qədər artıb. Fiziki şəxslərin gəlir vergisi üzrə büdcəyə 129 milyard dollar, korporativ vergi üzrə isə 8 milyard dollar daxil olub.
ABŞ büdcəsinin xərclər hissəsi 353,2 milyard dollara çatıb. O cümlədən sosial təminat üçün 84 milyard dollar, müdafiə üçün 69 milyard dollar, "Medicare" tibbi sığorta proqramına 53 milyard dollar xərclənib.
Bu il sentyabrın 30-da bitən son maliyyə ilində ABŞ-ın büdcə kəsiri ÜDM-in 3,9%-ni təşkil edib. Bu isə 2012-ci ildən bəri maksimum göstəricidir.(report.az)