Minsk Şərqlə Qərb
arasında seçim etmir, əksinə, təzyiq və ikili standartlar olmadan bütün
ölkələrlə bərabərhüquqlu siyasi və qarşılıqlı faydalı iqtisadi
münasibətlər qurmağa çalışır. Belarus prezidenti Aleksandr Lukaşenko bu cür bəyanatla çıxış edib.
"Məqsədimiz
suveren dövlətlərin daxili işlərinə qarışmanın olmadığı, təzyiqsiz və
məcburiyyətsiz, ikili standartlarsız dialoqun aparılmasıdır. Belarus öz
suverenliyini qiymətləndirən və ardıcıl şəkildə çoxvektorlu sülhsevər
xarici siyasət həyata keçirən Avropa
ölkəsidir. Bizim yanaşmamız hamıya yaxşı məlumdur. Qarşıdurmaların
inamlı əleyhdarı və regionun təhlükəsizlik donoru kimi Belarus bütün
münaqişələrin yalnız sülh yolu ilə həllinin tərəfdarıdır. Və bizimlə
eyni düşüncədə olan tərəfdaşlarımızın əhatə dairəsinin genişləndirilməsi
üzərində qətiyyətlə çalışırıq”, – deyə Lukaşenko bildirib.