Türkiyədə yoluxma sayında ciddi artım müşahidə olunur

05.08.2020 17:56

Qurban bayramından sonra Türkiyədə koronavirus infeksiyasına yoluxmaların sayı artıb.

Türkiyə mətbuatı xəbər verir ki, bu barədə Səhiyyə naziri Fəxrəddin Qoca tvitterdə məlumat verib. O etiraf edib ki, yoluxma sayında ciddi artım müşahidə olunmaqdadır.

"İki gün arasında kifayət qədər ciddi fərq var. Bayram və tətildə yaranmış sıxlıqların ağır nəticələrə yol açmasının qarşısını almalıyıq. Hamımız bir-birimiz üçün məsuliyyət daşıyırıq. Tədbirlərdə birliyə ehtiyacımız var”, - nazir açıqlamasında qeyd edib.

Mütəxəssislərin sözlərinə görə, yoluxma halları əsasən kurort bölgələrində daha çoxdur. Elmi Komitə üzvü, professor Tevfik Özlü isə verdiyi proqnozda bildirib ki, yaxın günlərdə və həftələrdə yeni yoluxma hallarının sayında ciddi artım olması istisna deyil:

"Tətil dövründə vətəndaşlar təəssüf ki, lazımi xəbərdarlıqlara qulaq asmadılar. Tətildən qayıdan vətəndaşlarımız çox diqqətli olmalı, ən kiçik simptom olduğu təqdirdə tibbi qurumlara müraciət etməlidirlər”./Publika.az

© xezerxeber.az


202 dəfə oxunub

XƏBƏRLƏR

ÇOX OXUNANLAR