ABŞ: Ermənilər Azərbaycanın suveren sərhədləri daxilində yaşaya bilər

ABŞ-ın NATO-dakı səfiri Key Beyli Xatçison virtual mətbuat konfransında jurnalistlərə bildirib ki, Alyans "ABŞ və Rusiyanın etdiyini etməyə, yəni Dağlıq Qarabağda münaqişəni dayandırmağa çalışır”.

Bu barədə "Turan" məlumat yayıb.

"Bu problem 30 ildir çürüyür. ABŞ, Rusiya və Fransanın daxil olduğu Minsk Qrupu münaqişəni başlanğıc mərhələyə, yəni Azərbaycanın suveren sərhədlərinə qaytarmaq istəyir, erməni əhali də burada yaşaya bilər. Bunu həll etmək olar və onda münaqişə başa çatacaq”, - deyə o bildirib.

Bu arada, "biz hər iki tərəfi zorakılığı, qətlləri dayandırmağın yollarını müzakirə etməyə çağırırıq”.

"Bu, hərbi münaqişə yolu ilə həll edilə bilməz. Bunu sərhədlər və suverenlik çərçivəsində həll etmək lazımdır. Biz buna çalışırıq, Rusiya da, Fransa da bunda israr edir”, deyə o qeyd edib./report