ABŞ Donald Tramp və Kim Çen Inın üçüncü görüşünü mümkün hesab edir

ABŞ Prezidenti Donald Tramp və KXDR lideri Kim Çen In arasında üçüncü görüş mümkündür və Vaşinqton buna hazırdır.

Xezerxeber.az xarici KİV-lərə istinadən xəbər verir ki, bu barədə ABŞ prezidentinin müşaviri Con Bolton maliyyə menecerlərinin forumunda deyib. "Üçüncü sammit tam mümkündür. KXDR buna hazır olan kimi, ABŞ da hazır olacaq”, - deyə Con Bolton bildirib.

Xatırladaq ki, ABŞ və KXDR arasında ilk sammit 2018-ci il iyulun 12-də Sinqapurda baş tutmuşdu. O vaxt Donald Tramp və Kim Çen In sammitin nəticələrinə əsasən, birgə bəyanat imzalamışdı. Pxenyan Koreya yarımadasının tam nüvəsizləşdirilməsinə hazır olduğunu bildirmiş, Birləşmiş Ştatlar isə bunun əvəzində KXDR-ə təhlükəsizlik zəmanəti vəd etmişdi.

2019-cu il fevralın 27-28-də Vyetnamın Hanoy şəhərində keçirilən ikinci ABŞ-KXDR sammitinin gedişində isə tərəflər sazişə nail ola bilməmişdi. Sammit nəticəsiz başa çatsa da, liderlər dialoqu davam etdirmək barədə razılığa gəlmişdilər.