Respublika fənn olimpiadalarının qalibləri müəyyən olunub

Respublika fənn olimpiadalarının qalibləri müəyyən olunub.

Təhsil Nazirliyindən xezerxeber.az-a bildirilib ki, olimpiadanın nəticələrinə görə, 55 nəfər qızıl, 105 nəfər gümüş, 160 nəfər bürünc olmaqla ümumilikdə 320 nəfər qalib elan edilib.

Qaliblər ölkəmizin 42 şəhər və rayonundan olmaqla 158 ümumi təhsil müəssisəni əhatə edir. Onlardan 101 nəfəri qız, 219 nəfəri isə oğlandır.

Respublika fənn olimpiadalarında hər fənn üzrə ən yüksək nəticə göstərmiş 10 qızıl medalçı – "Birincilərin birinciləri” nominasiyasına layiq görülüb.