Zaur Əliyev: "Regionlarda həkim məntəqələrinin vəziyyəti ürəkaçan deyil"

"Regionlarda həkim məntəqələrinin vəziyyəti ürəkaçan deyil. Bunu bilirik".

Xezerxeber.az-ın xəbərinə görə, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev Yeni Azərbaycan Partiyasında keçirilən brifinqdə deyib.

Onun sözlərinə görə, Agentliyin səlahiyyətləri məhdudur: "Son 10 ildə 600-dən çox xəstəxananın əsaslı təmiri və yenidən qurulması üçün yatırımlar olub. Bəzi xəstəxanalarda işlər qalıb. Onlar da tamamlanacaq. Yerlərdə avadanlıqlar yetərli səviyyədə deyil. Həkimlərin bəziləri düzgün müalicə, müayinə aparmaqda çətinlik çəkirlər".