Xəzər Xəbər

Oqtay Şirəliyev XV Avropa Gənclər Yay Olimpiya Festivalı ilə bağlı əmr imzalayıb

Cəmiyyət | 10:24 • 19 İyul 2019
Oqtay Şirəliyev XV Avropa Gənclər Yay Olimpiya Festivalı ilə bağlı əmr imzalayıb

Səhiyyə naziri Oqtay Şirəliyev XV Avropa Gənclər Yay Olimpiya Festivalı ilə bağlı əmr imzalayıb.


Nazirliyin Mətbuat xidmətindən xezerxeber.az-a verilən məlumata görə, müvafiq əmrə əsasən, XV Avropa Gənclər Yay Olimpiya Festivalı keçiriləcəyi dövrdə, müəyyən olunmuş yerlərdə 41 Təcili Tibbi Yardım briqadaları növbə çəkəcəklər.


Bu, ayın 29-na qədər davam edəcək.


Bundan əlavə bu tədbirə səhiyyə sisteminin 270 tibb işçisi də cəlb olunub. Bura poliklinikalardan və xəstəxanalardan olan mütəxəssislər daxildir ki, onlar yarışlar keçirilən yerlərdə yaradılan tibb məntəqələrində növbə çəkəcəklər. Əgər yarış iştirakçılarından yaxud yarışları seyr etməyə gələn tamaşaçılardan kiminsə hospitalizasiyaya ehtiyacı olsa, onlar təcili tibbi yardım briqadaları tərəfindən diaqnozlarından asılı olaraq Kliniki Tibbi Mərkəz, Elmi Tədqiqat Travmatologiya İnstitutu və Respublika Neyrocərrahiyyə Xəstəxanasına yerləşdiriləcəklər.

Xəbər lenti