Xəzər Xəbər

Bəzi şəhərlərdə sərtləşdirilmiş xüsusi karantin rejiminin müddəti uzadılıb

Cəmiyyət | 16:13 • 5 Dekabr 2020
Bəzi şəhərlərdə sərtləşdirilmiş xüsusi karantin rejiminin müddəti uzadılıb

Ölkədə yaranmış sanitar-epidemioloji vəziyyəti nəzərə alaraq Azərbaycan Respublikasının Nazirlər Kabineti yanında Operativ Qərargah bəzi şəhər və rayonlarda sərtləşdirilmiş xüsusui karantin rejiminin müddətinin uzadılmasına dair qərar qəbul edib. Nazirlər Kabinetindən Xezerxeber.az-a verilən məlumata görə, buna uyğun olaraq, Nazirlər Kabineti "Xüsusi karantin rejimi ilə bağlı əlavə tədbirlər barədə” 336 nömrəli Qərarda müvafiq dəyişiklik edib.


Dəyişikliyə əsasən, Şəki, Lənkəran şəhərlərinin, Qax, Zaqatala, Biləsuvar, Cəlilabad, Masallı, İsmayıllı, Quba, Xaçmaz rayonlarının inzibati ərazisində Qərarın 2 nömrəli əlavəsində nəzərdə tutulan sahələr istisna olmaqla, digər sahələrdə və istiqamətlərdə fəaliyyətin dayandırılmasının müddəti 2020-ci il dekabrın 14-də saat 06.00-dək uzadılır.


Nərmin Məcidli

Xəbər lenti