Bakıda güclü yanğın - QORXULU GÖRÜNTÜLƏR - VİDEO

21.09.2018 12:55

Paytaxtda güclü yanğın baş verib.

Hadisə Xətai rayonu Süleyman Əhmədov küçəsində yaşanıb. Təxminən 12 radələrində ikimərtəbəli tikilinin ikinci mərtəbəsində yerləşən kafedə güclü yanğın başlayıb.

Yanğın kafenin dam örtüyündə başlayıb. Dam örtüyünün yanar materialdan olması və külək yanğını qısa zamanda geniş əraziyə yayıb.

Belə ki, kafenin dam örtüyü ilə yanaşı kafenin bütün otaqları da tamamilə yanıb. Kafenin divarlarının quru taxtadan ibarət olması yanğının qısa müddətdə bütün kafeni əhatə etməsinə səbəb olub.

Hadisə yerinə Fövqəladə Hallar Nazirliyinin yanğınsöndürənləri gəliblər. Yanğının digər tikililərə keçməsinin qarşısı alınıb. Hadisə nəticəsində ölən və yaralananın olmadığı bildirilir.

© xezerxeber.az


1352 dəfə oxunub

XƏBƏRLƏR

ÇOX OXUNANLAR