Koronavirusu məhv edən yeni ixtira

04.12.2020 17:35

Çexiyalı alimlər səthinə düşən bakteriya və virusları məhv edən xüsusi kağız hazırlayıblar.

CTK agentliyi yazır ki, həmin kağız yeni koronavirus növünün hissəciklərini də məhv edə bilər.

Kağıza sink və gümüşə əsaslanan xüsusi kimyəvi maddələr hopdurulub. Onlar virusları, bakteriyaları və mayaları öldürürlər, ancaq insan dərisi üçün təhlükəsiz qalırlar.

Qeyd edilir ki, bir dəqiqə ərzində onun səthindəki mikrobların 99 faizi yox olur.

Əlavə bir dəyişiklik sayəsində bu cür kağız səthinə dəyən yeni növ koronavirusun hissəciklərinin öhdəsindən gələ bilər. Testlər göstərib ki, 10 dəqiqə ərzində bu cür kağıza düşən koronavirus hissəciklərinin 70 faizi ölür və 30 dəqiqə ərzində onlar tamamilə yox olur.

Yaradıcıları ümid edirlər ki, yeni ixtira banknotların və müxtəlif sənədlərin istehsalında istifadə olunacaq. Yaxın gələcəkdə Çexiyada ilk 10 ton belə kağız istehsal etmək planlaşdırılır.oxu.az 

Nərmin Məcidli


© xezerxeber.az


598 dəfə oxunub

XƏBƏRLƏR

19.01.2021 19:42

Bakıya qar yağır

ÇOX OXUNANLAR