Aktyor səhnədə ölümlə zarafat etdi və öldü

14.04.2019 13:14

Məşhur aktyor zarafatından az sonra canını tapşırdı

Böyük Britaniyanın məşhur komediya və standap aktyoru Yan Koqnito dünyasını dəyişib.

Məşhur aktyor səhnədə çıxış edən zaman insult xəstəliyi barəsində zarafat edib. Bir neçə dəqiqədən sonra isə dünyasını dəyişib. Hadisə aprelin 11-də baş verib.

Aktyor çıxışında zarafatla deyib ki, o insult keçirəndən sonra oyanacaq və Uels dilində danışmağa başlayacaq. Bunu deyəndən 10 dəqiqə sonra o özünü pis hiss edib və stula əyləşib. İzləyicilər aktyorun bu hərəkətlərini tamaşanın ardı kimi qəbul ediblər və seyr etməkdə davam ediblər. Daha sonra aktyorun vəziyyətinin ağır olduğunu görənlər təcili yardım çağırıblar. Təcili yardım gələnə kimi aktyor dünyasını dəyişib.

Qeyd edək ki, yumor ustası Yan Koqnito 1980-ci ildən aktyor olaraq fəaliyyət göstərir.

1999-cu ildə Time Out Award mükafatına layiq görülüb.

© xezerxeber.az


239 dəfə oxunub

XƏBƏRLƏR

21.09.2019 10:54

Bakıda vaqon yanıb

ÇOX OXUNANLAR