Zidan üçün son şans

23.10.2020 09:40

"Real"ın baş məşqçisi Zinəddin Zidanın komandadakı vəziyyətini düzəltmək üçün şans olaraq iki matç var.

Bu barədə "Lequipe" bildirib.

Məlumata görə, Zidanın "Real Madrid”dəki gələcəyini İspaniya çempionatında "Barselona"ya qarşı matç, həmçinin Çempionlar Liqasında "Borussiya M” ilə görüş həll edəcək.

Daha əvvəl bildirilirdi ki, "Real" Zidanı komandanın baş məşqçisi postundan kənarlaşdıra bilər. "Kral Klubu” "Tottenxem Hotspur”un keçmiş məşqçisi Maurisio Poçettino və "Real”-"Kastilio” ehtiyat komandasının məşqçisi Raul Qonzalezin namizədliyini nəzərdən keçirir.

Xatırladaq ki, "Real" son iki matçda uduzub. Komanda La Liqada "Kadis"ə (0:1), Çempionlar Liqasında "Şaxtyor"a (2:3) məğlub olub.

"Barselona" ilə "Real" arasında matç oktyabrın "Nou Kamp"da stadionunda keçiriləcək. "Borussiya M" Çempionlar Liqasının qrup mərhələsinin ikinci turunda oyun oktyabrın 27-ə planlaşdırılıb./report 

© xezerxeber.az


344 dəfə oxunub

XƏBƏRLƏR

ÇOX OXUNANLAR