Xəzər Xəbər

Sürücülərin nəzərinə! Bu təkərlərlə radara düşə bilərsiniz - VİDEO

Veb TV | 20:54 • 21 Sentyabr 2019
Sürücülərin nəzərinə!

Avtomobilin təkərlərinin ölçüləri zavod tövsiyəsindən fərqli olduqda faktiki sürət də idarəetmə panelində göstərilən sürətdən fərqli olur. Nəticədə yol üçün müəyyən edilmiş həddə yaxın sürətlə hərəkət edən sürücü özü də bilmədən radara düşə bilər.

Xezerxeber.az-ın məlumatına görə, avtomobil ustası Sahil Ağabəyli deyir ki, ABS sistemi ilə təchiz edilən avtomobillərdə təkərlər ancaq zavod tövsiyəsinə uyğun olmalıdır. Əks halda idarəetmə panelində olan sürət sürücünü aldada bilər.

Sürücülərin bir çoxu bundan xəbərsizdir. Ona görə də məhz bu səbəbdən cərimələnənlər də var.

Avtomobil ustaları onu da deyirlər ki, təkərlər arasında olan bir millimetrlik fərq də sürətə təsir edə bilir. Bununla yanaşı, zavod tövsiyəsindən fərqli təkərlər digər detalların sıradan çıxmasına da səbəb olur.

Həmçinin təkərlərin fərqli ölçüdə olması benzin sərfiyyatının 8-10 faiz artmasına səbəb olur.

Xezerxeber.az mövzu ilə bağlı daha ətraflı videomaterialı təqdim edir:


Xəbər lenti