Xəzər Xəbər

Bakı-Quba-Rusiya sərhədi avtomobil yolunun təmirinə başlanılır - VİDEO

Veb TV | 20:41 • 19 İyul 2019
Bakı-Quba-Rusiya sərhədi avtomobil yolunun təmirinə başlanılır -

Bakı-Quba-Rusiya sərhədi avtomobil yolu yenidən qurulacaq.

Xezerxeber.az-ın məlumatına görə, bunu Azərbaycan Avtomobil Yolları Dövlət Agentliyinin Mətbuat xidmətinin rəhbəri Anar Nəcəfli deyib. Onun sözlərinə görə, adıçəkilən avtomobil yolunun yenidən qurulması ilə bağlı lazımi işlər görülür.

Qurum rəsmisi deyib ki, yol əsaslı şəkildə yenidən qurulmalıdır. Hazırda yolun müəyyən hissələrində cari təmir işləri həyata keçirilir.

Bununla yanaşı, Bakı-Quba-Rusiya sərhədi istiqamətində yeni yol inşa edilir. Həmin yol Bakı-Quba Rusiya sərhədi avtomobil yolunun 45-ci kilometrliyindən başlayaraq Rusiya sərhədinə qədər davam edir. Bu yolun ümumi uzunluğu 152 kilometrdir. Yolun 2021-ci il ərzində istifadəyə verilməsi planlaşdırılır.Yol müasir standartlara cavab verən 1-ci texniki dərəcəli olacaq. Bu yol istifadəyə veriləndən sonra mövcud olan Bakı-Quba-Rusiya sərhədi avtomobil yolunun Bakı-Gəndob hissəsinin yenidən qurulması nəzərdə tutulur.

Xezerxeber.az mövzu ilə bağlı daha ətraflı videomaterialı təqdim edir.


Xəbər lenti