Xəzər Xəbər

"Eurovision" ləğv ediləcək

Şou Biznes | 16:15 • 18 Mart 2020
"Eurovision" ləğv ediləcək

May ayında keçirilməsi planlaşdırılan "Eurovision 2020” beynəlxalq musiqi yarışması koronavirus pandemiyası səbəbiylə ləğv ediləcək.

Bu barədə İsrail Yayım Korporasiyası "Twitter” də məlumat yayıb. Lakin bu məlumat hələlik rəsmi şəkildə təsdiqlənməyib. Qeyd olunur ki, ölkənin Səhiyyə Nazirliyi müsabiqəni tamaşaçısız belə keçirtməməyi tövsiyə edib. Mənbələrin sözlərinə görə, gün ərzində müsabiqənin ləğvi ilə bağlı rəsmi açıqlama gözlənilir.

Martın 17-də isə "Eurovision” təşkilatçıları "Twitter” hesabından bildirmişdi ki, dünyada daim dəyişən vəziyyəti izləyir və tezliklə daha dəqiq məlumatlar yayacaqlar:

"Anlayırıq ki, hazırkı" Eurovision ”un taleyi ilə bağlı daha çox xəbər tapmaq istəyirsiniz ... Xahiş edirəm bizimlə qalın. Ümid edirik ki, tezliklə daha dəqiq informasiyalar verəcəyik”.

Məlumat üçün bildirək ki, vokal müsabiqəsi Hollandiyanın Rotterdam şəhərində keçirilməlidir. Azərbaycanı bu il müsabiqədə Samirə Əfəndi "Cleopatra” mahnısı ilə təmsil edir.

Publika.az

Xəbər lenti