Xəzər Xəbər

"Milan"ın futbolçusu "Tottenhem"lə "Atletiko"nun hədəfində

İdman | 12:28 • 24 Yanvar 2020
"Milan"ın futbolçusu "Tottenhem"lə "Atletiko"nun hədəfində

"Milan" Zlatan İbrahimoviçin transferindən sonra hücumçusu Kriştof Pyonteki satmağı düşünür.

"La Gazetta dello Sport" xəbər verir ki, İngiltərənin "Tottenhem" və İspaniyanın "Atletiko"klubları polşalı forvardı icarəyə götürmək üçün təklif yollayıb. Xəbərdə "Milan"ın 24 yaşlı futbolçunu icarəyə vermək istəmədiyi, birdəfəlik satmaq fikrində olduğu qeyd edilib. "Qırmızı-qaralar" Pyontekin transferi üçün ən azı 30 milyon avro istəyir.

"Milan"ın növbəti günlərdə "Tottenhem" və "Atletiko" klubları ilə görüşəcəyi və yekun qərar verəcəyibildirilib.

"Milan" hücumçunu 2019-cuildə "Cenoa"dan 38 milyon avroya transfer edib. Pyontek bu mövsüm Seriya A-da 18 oyuna 4 qol vurub.

Xəbər lenti